६ जेठ, काठमाडौं । म्यानचेस्टर युनाइटेडलाई हराउँदै चेल्सीले एफए कपको उपाधि जितेको छ। शनिवार राति सम्पन्न फाइनल खेलमा म्यानचेस्टर युनाइटेडलाई १-० ले हराउँदै चेल्सीले उपाधि उचालेको हो ।
- ADVERTISEMENT -
फिल जोन्सले पेनाल्टी बक्समा फाउल हानेपछि २२ औं मिनेटमा पाएको पेनाल्टीलाई चेल्सीका इडान हाजार्डले गोलमा परिणत गरेको गोल नै उपाधिको लागि पर्याप्त भयो । अघिल्लो वर्षको फाइनलमा आर्सनलसँग पराजित चेल्सीले यसपटक उपाधि जितेको हो। म्यानचेस्टर युनाइटेडका लागि एलेक्सिस सान्चेजले गरेको गोल अफसाइड भएकाले मान्यता पाएन । रेफ्री माइकल ओलिभरले भीएआरको प्रयोग गरी गोलको मान्यता नदिने निर्णय लिएका थिए । अन्ततः म्यानेचस्टर हारका बावजुत उ यस सिजनमा उपाधीविहीन पनि भएको छ ।
- ADVERTISEMENT -
